പെട്രോൾ പമ്പുകളിൽ എയർ നിറക്കാൻ ചെല്ലുന്ന വാഹനങ്ങളെ പുച്ഛഭാവത്തിൽ നോക്കുന്ന ചില പമ്പുടമകളുണ്ട്. ഇത് ഞങ്ങളുടെ ഔദാര്യമാണ് എന്ന രീതിയിൽ.നിങ്ങള്‍ക്കറിയാമോ, ഓരോ തവണയും നമ്മള്‍ ഒരു പമ്പില്‍ കയറി പെട്രോള്‍ നിറക്കുമ്പോള്‍ നാല് പൈസയും ഡീസല്‍ നിറക്കുമ്പോള്‍ ആറു പൈസയും പെട്രോള്‍ പമ്പിലെ ടോയിലെറ്റ് സൗകര്യങ്ങള്‍ക്കു ആയി കൊടുക്കുന്നുണ്ട്. സ്വച്ച് ഭാരത് മിഷന്‍. ഓള്‍ ഇന്ത്യ പെട്രോളിയം ഡീലേഴ്‌സ് അസോസിയേഷന്‍ പ്രസിഡന്റ് അജയ് ബന്‍സാലിന്റെ തന്നെ കണക്കില്‍ ഓരോ പെട്രോള്‍ പമ്പും 1.7 ലക്ഷം ലിറ്റര്‍ പെട്രോളും ഡീസലും വില്ക്കുന്നുണ്ട് (2017). അതിലൂടെ കിട്ടുന്നത് 9,000 രൂപ. ഇപ്പോള്‍ അതിലും കൂടും.കസ്റ്റമർ എന്ന നിലയിൽ അവകാശങ്ങള്‍ എന്താണെന്ന് നമ്മൾ മനസ്സിലാക്കണം.
1. ഗുണനിലവാര പരിശോധന
നിങ്ങൾക്ക് ലഭിക്കുന്ന ഇന്ധനത്തിന്റെ ഗുണനിലവാരത്തെക്കുറിച്ച് സംശയം ഉണ്ടെങ്കിൽ നിങ്ങൾക്ക് അത് ചെക്ക് ചെയ്തു ഉറപ്പുവരുത്താൻ സാധിക്കും. ഏത് സ്റ്റേഷനിലും നിങ്ങൾക്ക് പെട്രോളിനോ ഡീസലിനോ ഒരു ഫിൽട്ടർ പേപ്പർ പരിശോധന ആവശ്യപ്പെടാം, ഇത് നിരക്ക് ഈടാക്കാതെ തന്നെ ചെയ്യും. കൂടാതെ, ഇന്ധനത്തിന്റെ അളവ് ഉപയോഗിച്ച് നിങ്ങൾ വഞ്ചിക്കപ്പെടുന്നുവെന്ന് നിങ്ങൾക്ക് ആശങ്കയുണ്ടെങ്കിൽ, നിങ്ങൾക്ക് ഒരു അളവ് പരിശോധനയും ആവശ്യപ്പെടാം.അധികാരികൾക്ക് നിങ്ങളെ ഈ സേവനങ്ങൾ നിരസിക്കാനോ നിരക്ക് ഈടാക്കാനോ കഴിയില്ല.
2. First Aid കിറ്റ്
അപകടങ്ങൾ എവിടെയും സംഭവിക്കാം. ഒരു റോഡപകടത്തിന് നിങ്ങൾ സാക്ഷിയാണെങ്കിലും പ്രഥമശുശ്രൂഷ കിറ്റ് ഇല്ലാതെ ഇരയെ എങ്ങനെ സഹായിക്കാമെന്ന് നിങ്ങൾക്ക് അറിയില്ല എങ്കിൽ , നിങ്ങളുടെ അടുത്തുള്ള പെട്രോൾ പമ്പിലേക്ക് പോയി ഒരെണ്ണം ആവശ്യപ്പെടുക. പെട്രോൾ പമ്പുകളിൽ അപ്‌ഡേറ്റുചെയ്‌തതും പൂർണ്ണമായ പ്രഥമശുശ്രൂഷ കിറ്റുകളും ആവശ്യമാണ്.
3. Emergency കാൾ
അടിയന്തിര ഫോൺ വിളിക്കാൻ നിങ്ങൾക്ക് ഒരു പമ്പ് സ്റ്റേഷനിൽ പോലും പോകാം. അപകടത്തിൽപ്പെട്ടയാളുടെ ബന്ധുവിനെ വിളിക്കേണ്ടതുണ്ടോ അല്ലെങ്കിൽ ചില സഹായത്തിനായി നിങ്ങളുടെ സുഹൃത്തിനെ വിളിക്കേണ്ടതുണ്ടോ, പെട്രോൾ പമ്പുകൾ നിങ്ങൾക്ക് ഒരു സൗജന്യ ഫോൺ കോൾ നൽകും.നിങ്ങൾ ഫോൺ ചാർജില്ലാതെ റോഡിൽ കുടുങ്ങുമ്പോൾ, അടിയന്തിര സഹായം ആവശ്യമായി വരുമ്പോൾ പമ്പുകൾ ആശ്രയിക്കാം.
4. വാഷ്‌റൂംസ്
സ്ത്രീകൾ, പ്രത്യേകിച്ച്, യാത്രയിലായിരിക്കുമ്പോൾ വൃത്തിയുള്ളതും ശുചിത്വമുള്ളതുമായ ഒരു ടോയ്‌ലറ്റ് കണ്ടെത്താൻ പാടുപെടുന്നു. പെട്രോൾ പമ്പുകളിൽ ഫ്രീ ആയി നിങ്ങൾക്ക് വാഷ് റൂം ഉപയോഗിക്കുവാനായി സാധിക്കും,നിങ്ങൾ ആ പമ്പിൽ നിന്നും എന്ന അടിക്കുന്നില്ല എങ്കിൽ കൂടി നിങ്ങൾക്ക് സൗജന്യമായി വാഷ് റൂം ഉപയോഗിക്കുവാനായി സാധിക്കും.
5. കുടിവെള്ളം
സ്റ്റേഷനുകൾ സൗജന്യമായി നൽകേണ്ട മറ്റൊരു സേവനം ശുദ്ധമായ കുടിവെള്ളം ലഭ്യമാക്കുക എന്നതാണ്. നിങ്ങൾക്ക് അവിടെ നിന്നും വെള്ളം കുടിക്കാം ,കുപ്പിയിലാക്കി കൊണ്ട് പോവുകയും ചെയ്യാം
6. Free എയർ
പെട്രോൾ സ്റ്റേഷനുകളിൽ നിങ്ങളുടെ വാഹനത്തിന്റെ ടയറുകളിൽ വായു നിറക്കൽ സൗജന്യമാണ്.അതിനായി ഒരു രൂപ പോലും നൽകേണ്ടതായില്ല.
ഫ്രീ എയര്‍ നല്‍കാതിരിക്കുക, ഫോണ്‍ സൗകര്യം നിഷേധിക്കുക, ഫസ്റ്റ് എയിഡ് ബോക്‌സുകള്‍ ഇല്ലാതിരിക്കുക, കംപ്ലൈന്റ് ബുക്ക് ഇല്ലാതിരിക്കുക തുടങ്ങിയവക്ക് ആദ്യ തവണ ശിക്ഷാ നടപടികള്‍ ഉണ്ടാവില്ല, പകരം താക്കീത് മാത്രം നല്‍കും. രണ്ടാം തവണ 10,000 രൂപ പിഴ ഉണ്ടാകും. മൂന്നാം തവണ മുതല്‍ 25,000 രൂപ പിഴയായി നല്‍കേണ്ടി വരും.അമിത വില ഈടാക്കിയതായി തെളിഞ്ഞാലും ശിക്ഷ ഉണ്ടാവും.ആദ്യ തവണ 15 ദിവസത്തേക്ക് ഇന്ധന വിതരണം നിര്‍ത്തി വെക്കേണ്ടി വരും. വില്‍പ്പനയും നടത്താന്‍ പാടില്ല.രണ്ടാം തവണ ഇത് മുപ്പത് ദിവസമാകും. മൂന്നാം തവണയും ആവര്‍ത്തിച്ചാല്‍ ഡീലര്‍ഷിപ്പ് തന്നെ റദ്ദാക്കും.